میرے شاعر

میرے نفس حیات کا ساز ہو تم اور اس کی ہر لے پر تمہاری سانسوں کے سوسجتے ہیں
تمہاری اور میری سانسیں سر کے اسی سفر پر خوشیوں کی راگنیاں چھیڑتی ہیں
تم دن کو جو ملو مجھے تو سانولی شاموں کو بھی پر لگ جاتے ہیں
میں رات کو جو پاؤں تمہیں تو صبح کا زب کو بھی ستارے بھول جاتے ہیں
میرے شاعر
تم میرے ہر صبح اور ہر شامکی دھڑکن میں دن بن کر دھڑکتے ہو
جانتی ہوں کچھ وقتوں سے تما داس اور کھوئے کھوئے سے رہتے ہو
میرے شاعر
تم تو شاعر ہو تمہیں تو ہر وقت ہی سچ کو ڈھونڈنا ہے
صفحہ قرطاس پر اپنے خون سے حوالہ وقت کو بھی لکھنا ہے
سہر منافق میں گوہر ہوئے کیسے نایاب یہ سب کو بتانا ہے
آکہی عذاب ہے اور تمہیں اس میں ہی اب دن رات رہنا ہے
میرے شاعر
میرے پاس آؤ، یہی میرے ساتھ ہی بیٹھ جاؤ، مجھے اپنی وحشتوں سے بھر دو
ہاتھوں کو اپنے میرے ہاتھوں سے باندھ دو اورمجھے نئی روشنیوں سے بھر دو
آنکھوں میں اپنی سجا لو مجھے اور مانگ میری بخت کے تاروں سے بھر دو
میرے شاعر
تم آج خود کلامی کے لمبے سفر سے لوٹے ہو اور تھک بھی گئے ہو
یوں کرو شانوں پر میرے اپنا سر رکھ دو آنکھوں کو موند لو
میں تمہارا ہی پر تو تمہارا ہی تراشا ہوا صندلی مجسمہ ہوں
اب میری پلکوں کو اپنی آنکھوں سے الجھ جانے دو
میرے شاعر
تم آج خودکلامی کے لمبے سفر سے لوٹے ہو اور تھک بھی گئے ہو
یوں کرو شانوں پر میرے اپنا سر رکھ دو آنکھوں کو موند لو میں تمہارا ہی پر تو تمہارا ہی تراشا ہوا صندلی مجسمہ ہوں
اب میری پلکوں کو اپنی آنکھوں سے الجھ جانے دو
میری آوازکو عروس امید بن کر بکھر جانے دو
میرے شاعر
میرے شاعر آج مجھے اپنا ہو جانے دو