جانے کیوں

کیسا ہیں کیسے وسوسے دل میں
ہنسی جتنی لبوں پر ہے یہ دل اتنا پریشاں ہے
یہ میری روح اور مقتل اگر سپنوں کی باتیں ہیں
تو کیوں پھر خون کے چھینٹے
میں جب بیدار ہوتا ہوں میرے چہرے پہ ہوتے ہیں

نہ رسمیں ہیں میرے بس میں نہ موسم پر میرا قابو
نہ مجھ کو دسترس ہے ان بنے اپنوں کے رشتوں پر
نہ یہ جذبے ہی تابع ہیں
تو کیوں لگتا ہے نا ممکن کو میں ممکن بنا لوں گا
اسے اپنا بنا لوں گا

مجھے محسوس ہوتاہے
کہ بن ساحل سمندر میں یہ بن پتوار کشتی ہے
بدل دوں بادباں لیکن
بدل سکتا نہیں ہے جو میری قسمت میں لکھا ہے

جہاں ہو سانس میں لرزش جہاں ہوں پاؤں من من کے
جہاں اپنوں کو سب اپنے پرائے بھول جاتے ہیں
گلہ ہے اپنی قسمت سے
نہ جانے کیوں وہی رستے میری منزل کو جاتے ہیں